कार्यालय परिचय
नेपालको ५ नं. प्रदेश अन्तर्गत रोल्पा जिल्लाको माडी गाउँपालिका वडा नं. २ घर्तीगाउँमा इलाका प्रशासन कार्यालय घर्तीगाउँ अवस्थित छ । विगत दुई दशक भन्दा लामो समय देखि अवरुद्ध भएको कामकाज मिति २०७५/०३/३ बाट पुन सुचारु भएको हो । जिल्ला प्रशासन कार्यालय रोल्पा मातहत रही पश्चिम रोल्पाको शान्ती, सुरक्षा र सुव्यवस्था कायम गरी जनताको जिउ, धन र स्वतन्त्रताको संरक्षण गर्नुका साथै यस क्षेत्रका जनतालाई घर आँगनमानै नेपाली नागरिकताकाे प्रमाणपत्र, नाबालक परिचयपत्र, राहदानी सिफारिस, जनजाति/ दलित प्रमाणित, ठाडो उजुरी/ गुनासो सुनुवाई जस्ता सेवा उपलब्ध गराउनुका साथै बजार अनुगमन, सवारी पास, विपत व्यवस्थापन सार्वजनिक सम्पत्ति संरक्षण लगायतका इलाका प्रशासन कार्यालय घर्तीगाउँबाट गर्नु भनि प्रमुख जिल्ला अधिकारीबाट निर्देशन भए बमोजिमका कार्यहरु गर्न नेपाल सरकार गृह मन्त्रालय अन्तर्गतको एक कार्यालय हाे ।